Navjot Sidhu Nice Shayaris Collection in Hindi (Hansi na mehengi hai, Na hansi sasti hai)

Hansi na mehengi hai, Na hansi sasti hai
iss hansi mein hi saari duniya basati hai
iss hansi ko, hansi samjhke na udaa dena dosto
ladki bhi tabhi fansti hai, jab hansti hai!!

Aakash ki koi seema nahin
Prithvi ka koi tol nahin
Saadhu ki koi jaat nahin
Aur paras ka
koi tol nahin, koi mol nahin

Jaa rahe hain lekin laut ke aate rahein
Hasya ki mehfil sajaate rahein
Paise to hum sab ne kamaye hain bahut
hindustan ki duaaein kamate rahein

Siyasat ki Pitch pe bhi ajeeb khel hota hai
Criminal ko Bail aur Imaandar ko Jail hota hai
Ab to yeh haalat ho gayi hai iss desh mein doston
Ki Pappu pass hota hai aur Lokpal fail hote hai

Jisne ki Uss Prabhu ki Seva
Use Mile Mahadeva
Jisne ki iss Prabhu ki seva
Use mila Nritya ka Mewa with Prabhudeva

Hansi ke chaman mein
Khushiyo ke phool sajaate raho
Aaj aaye hain yaha Ravi aur Tusshar
Inke liye Band bajaate raho!!